Isang community outreach na pinamagatang Pamaskong Handog Alay sa Kabataan ang muling isinagawa nito lamang ika-8 ng Disyembre 2024 sa Gem Village Gymnasium, Barangay Maa, Davao City. Sa pagkakataong ito, nagsilbing benepisyaryo ang 100 mag-aaral ng Don Julian Daycare Center.
Malugod namang tinanggap ng mga mag-aaral ang lootbags, laruan, snacks at iba pang regalo mula sa Maa PNP.
Bukod sa pagiging isang pagkakataon para magbigay ng mga materyal na bagay, ang aktibidad ay naglalayong ipakita ang diwa ng pagbibigayan, malasakit, at pagkakaisa na kalakip ng panahon ng Kapaskuhan.
Sa ganitong paraan, ang mga mag-aaral at kanilang pamilya ay nakikinabang hindi lamang sa mga pisikal na handog kundi pati na rin sa mga pagpapahalaga, sa pagkakaisa at pagmamalasakit sa isa’t isa.