Iginawad ng Department of Education Region XI ang isang Plaque of Appreciation sa Lungsod ng Digos sa ginanap na 2024 Partnership Appreciation Program noong ika-9 ng Disyembre, 2024 sa World Palace Hotel sa Davao City.
Ang Pamahalaang Lungsod ng Digos, na pinamumunuan ni Mayor Hon. Josef Fortich Cagas, JD, RN, MPA, ay kinilala bilang isa sa mga pangunahing katuwang ng DepEd Region XI dahil sa tuloy-tuloy na suporta at kontribusyon sa iba’t ibang Programang, Proyekto, at Aktibidad (PPAs) ng Department of Education.
Ang parangal ay personal na tinanggap nina Assistant City Administrator Raquel Marie Chiong at Digos City Schools Division Superintendent Melanie Estacio.
Sa ilalim ng pamumuno ni Mayor Josef Fortich Cagas, nananatiling tapat ang lungsod sa pagsuporta sa mga programang pang-edukasyon at proyekto ng DepEd Regional Office, upang matiyak ang mataas na kalidad ng edukasyon para sa komunidad.