Matagumpay na isinagawa ang Tree Planting Activity sa Brgy. Bualo Lipid, Maimbung, Sulu nito lamang ika-14 ng Disyembre 2024.
Pinangunahan ng mga residente ng naturang lugar ang aktibidad katuwang ang Technical Support Company Regional Mobile Force Battalion 14-B sa pamumuno ni Police Captain Davis B Panasigan.
Layunin ng programa na mapanatili ang kalikasan, mapigilan ang soil erosion, at magbigay ng mas luntiang kapaligiran para sa susunod na henerasyon.
Bahagi rin ito ng mas malawak na kampanya upang labanan ang masamang epekto ng climate change at mapalakas ang kaligtasan ng komunidad.
Nagpaabot ng pasasalamat ang mga opisyal ng barangay sa lahat ng nakiisa.
Ang aktibidad na ito ay hindi lamang para sa kalikasan kundi pati na rin sa pagkakaisa ng mga mamamayan, na nagbigay ng inspirasyon para sa patuloy na pagsuporta sa mga proyektong makakalikasan.