Patay ang tulo ka miyembro sa Intelligence Service Unit sa Armed Forces of the Philippines human gi-ambush sa wala pa mailhi nga mga suspek sa Barangay Baimbing, Lamitan City, Basilan kagabii mga 7:00 ang takna, Disyembre 23, 2024.
Gi-ila ang mga biktima nga sila alyas “Jay” alyas “Ace” ug alyas “Mark”, mga miyembro sa ISAFP, nga nakabase sa Zamboanga City.
Nahibal-an nga sakay sa Toyota Hi Ace Van ang mga biktima ug kalit lang kini gipa-ulanan ug bala sa wala pa mailhi nga mga suspek nga diretso ni ikyas human ang nahitabong pagpamusil.
Padayon ang lalom nga imbestigasyon sa PNP ug AFP aron mahibal-an ang motibo ug madakpan ang mga suspek nga rason kung nganong naay pamilya nga subo tagbuon ang Pasko ug Bag-ong Tuig, nga panahon man unta sa paghigugmaay ug pagpasayloay sa isig katawo.
