Nakutlo ang kinabuhi sa usa ka pasahero sa bus human kini na angin sa away sa isa ka pulis ug iyang misis pasado 2:30 sa kaadlawon samtang nagbiyahe ang bus gikan sa Brgy. Batasan, Makilala, Cotabato ug paadto sa Davao City karung adlawa, Sabado, Disyembre 28, 2024.
Daling nakutlo ang kinabuhi sa pasahero nga si Reynaldo Bigno Jr., residente sa Sitio Flortam, Batasan, Makilala, Cotabato tungod sa bala nga natagamtaman sa ulo nga bahin niini. Giila ang suspek nga si Police Corporal Alfred Dawatan Sabas, aktibong pulis nga naka-assign sa General Santos City Police Station 7.
Daling nangayo’g tabang ang drayber sa bus sa duol nga checkpoint sa 1104th Regional Mobile Force Battalion (RMFB) 11 border control point sa may New Opon, Magsaysay, Davao del Sur.
Daling mitabang ang mga on-duty nga pulis, ug sa dihang apil naman hinoon kini sa suspek gipusil, rason nga naka-angkon ug samad ang duha ka pulis nga mitabang. Daling gidala sa hospital ang police nga nasamdan nga giila nga si Police Corporal Kenth Maurith Ramos ug Patrolman Russel Love Tapia.
Nahibal-an nga ang maong pulis nga namusil nasa ilalom sa gahom sa ilimnong makahubog ug kauban usab niya iyang misis sa maong bus.
Daling miikyas ang maong suspek pagkahuman sa iyang pagpamusil peru kini nadakpan sa hot pursuit operation nga gipahigayon sa PNP.
Samtang nagpahimangno ang PNP nga dili pasobrahan ang pag-inom ug kung naay problema sa pamilya, dapat hisgutan kini nga anaa sa saktong panghuna-huna para dili kita makabuhat ug daotang binuhatan nga atong hinulsulan sa ulahi.