Narekober ang isang set ng Improvised Explosive Device o IED sa Brgy Iginagampong, Datu Unsay, Maguindanao del Sur nito lamang ika-27 ng Disyembre 2024.
Ayon sa ulat, ang nasabing pampasabog ay nadiskubre ng mga residente ng nasabing barangay na agad namang nirespondehan ng PNP.
Ang naturang pampasabog ay binubuo ng isang bala ng RPG at isang M61 Hand Grenade na nakakabit sa kable ng isang alarm clock at double A na baterya. Patuloy naman ang imbestigasyon ng PNP sa nadiskobreng IED at nanawagan sa publiko na manatiling mapagmatyag at makipagtulungan upang masiguro ang kaligtasan ng lahat.