Matagumpay na isinagawa ang Gift-Giving Program sa sa Madrasah Radjapandalat Al-Islamie sa Barangay Delembong, Shariff Saydona Mustapha, Maguindanao del Sur nito lamang ika-30 ng Disyembre 2024.
Pinangunahan ng BMQ Group ang naturang aktibidad katuwang ang Shariff Saydona Mustapha Municipal Police Station na nagbigay ng pre-loved clothes at laruan sa mga kabataan.
Ang aktibidad na ito ay nagbigay ng pag-asa sa nalalapit na taon at nagpaalala na sa simpleng pagbabahagi ng pagmamahal, higit na tumitibay ang samahan sa bawat komunidad.
Patuloy ang hangarin ng PNP at BMQ Group na magsagawa ng mga ganitong uri ng aktibidad upang magbigay inspirasyon at pag-asa, lalo na sa mga lugar na nangangailangan ng suporta.
Ang programang ito ay isa lamang patunay na sa pagtutulungan, mas magiging matatag at makulay ang bawat komunidad.