Matagumpay na naisagawa ang Community Outreach Program na ginanap sa Garlayan Elementary School, Maluso, Basilan nito lamang ika-26 ng Disyembre 2024.
Nakiisa sa naturang aktibidad ang Junior Chamber International Basilan, 53rd Special Action Company ng PNP-Special Action Force at mga personahe ng 1st Basilan Provincial Mobile Force Company.
Tampok sa aktibidad ang pamamahagi ng school supplies, hygiene kits, tsinelas at feeding program sa mga bata.
Ang pagsasagawa ng ganitong aktibidad ay hindi lamang pagbibigay ng tulong sa mga nangangailangan, kundi magpapatibay ng ugnayan ng mga iba’t ibang sektor ng lipunan sa pamamagitan ng pagkakaisa at pagtutulungan.