Patay ang tulo ka miyembro sa pamilya human kini gi-massacre gamit ang maso ug tubo sa wala pa mailhing suspek kagahapon 11:00 sa gabie, Mayo 21, 2025 sa Purok-11, Managok, Malaybalay City, Bukidnon.
Gi-ila ang mga biktima nga sina alyas “Kokoy”, hingkod ang pangidaron, amahan, alyas “Lyn-lyn”, asawa, ug ang 15 anyos nga lalaking anak sa mag-asawa.
Sigun sa imbestigasyon sa pulisya, gisulod ang balay sa magti-ayon sa wala mailhing suspek ug didto na nahitabo ang maong krimen.
Samtang swerte usab ang duha ka menor-de-edad nga babae nga anak usab sa magti-ayon tungod wala mabantayi sa suspek tungod natabunan kini sila ug mga karton, plywood ug mga sanina.
Gi-awhag sa Malaybalay City PNP ang katawhan nga i-report ang nay nahibal-an nga impormasyon sa maong massacre aron masulbad ang insidente ug matagaan ug hustisya ang kamatayon sa mga biktima.
