Gipahigayon sa City Administrator’s Office, kauban ang CDRRMO ug PIA-Bukidnon, ang Kapihan Quarterly Media Forum niadtong Marso 31, 2026 sa People’s Hall, City Hall sa Malaybalay City, nga gitambongan sa mga media practitioners sa Bukidnon.
Tumong sa kalihokan ang paghatud sa tukma ug mapuslanong impormasyon ngadto sa publiko ug pagpalig-on sa panagtinabangay sa mga opisina ug media.
Sa welcome address, nagpasalamat si City Administrator Atty. Anna Marie R. Bergado sa padayon nga kooperasyon ug gipasiugda ang kamahinungdanon sa paghatag og husto nga impormasyon sa komunidad.
Gipresentar sa CDRRMO, pinaagi ni Mr. Alan J. Comiso, ang mga update ug guidelines sa public advisories kalabot sa kalamidad, nga nag-awhag sa pagpangandam sa publiko.
Ang City Veterinary Office, pinaagi ni Dr. Jude Ignatius F. Casimero, mipasiugda sa Anti-Rabies ug Dakip Aso Program, ug nag-awhag sa responsableng pagpanag-iya sa mga binuhi.
Sa mensahe ni Mayor Hon. Jay Warren R. Pabillaran, gipalig-on ang pasalig sa siyudad sa maayong pagdumala ug kaayohan sa katawhan. Giila niya ang kahinungdanon sa tahas sa media sa pagdala sa impormasyon ngadto sa publiko.
Naghatag usab og update ang City ENRO bahin sa clean-up drive ug tree growing activities, samtang ang CSWDO mipahibalo sa mga kalihokan sa Women’s Month ug mga programa alang sa kabataan.
Gitapos ang kalihokan pinaagi sa open forum nga naghatag higayon sa mga partisipante sa pagpangutana ug pagpaambit sa ilang mga katuyoan.
Gisulat ni: Swenne Cate T. Caterial, CAdmO-NADA