Sikop ang usa ka inahan sa gihimong operasyon sa mga awtoridad human nga gi-unay ug baligya ang mga malaw-ay nga litrato sa iyang tulo ka kaugalingong anak nga menor-de-edad sa mga foreign individuals online adtong Hunyo 20, 2025 sa Purok 6, Brgy. Tambacan, Iligan City, Lanao del Norte.
Gi-ila ang suspek nga usa ka 35-anyos nga inahan.
Kini nadakpan pinaagi sa Entrapment, Rescue Operation, ug implementation sa Warrant to Search, Seize, and Examine Computer Data tungod sa paglapas sa Anti-Online Sexual Abuse or Exploitation of Children ug Anti-Child Sexual Abuse or Exploitation Materials Act.
Nahibal-an nga na-rescue ang tulo ka menor-de-edad nga anak sa maong suspek, nga gilangkuban sa duha ka lalaki ug usa ka babaye.
Sa kasamtangan, gidala sa CSWD Children Assessment and Processing Center ang mga bata aron mahatagan sa tukma nga pag-amuma.
“This operation demonstrates our unwavering commitment to safeguarding children from the dangers of online sexual abuse and exploitation. We will not rest until every child in Northern Mindanao is protected from these despicable crimes.” matud pa ni Police Brigadier General Rolindo M Suguilon, Regional Director sa Police Regional Office 10.
Photos by: PRO 10
