Makilala, Cotabato – Isang babaeng shoplifter ang inaresto sa loob ng grocery store sa Brgy. Poblacion, Makilala, Cotabato nito lamang Disyembre 3, 2023.
Kinilala ang nahuling suspek na si alyas “Rodiliz”, 32-anyos, walang asawa at residente ng Brgy. Malasila, Makilala, Cotabato.
Ayon sa ulat ng Makilala Municipal Police Station, ninakaw ng suspek ang ilang paninda sa hindi pinangalanang grocery store.
Nang makita ng mga kawani ng convenience store ang pagnanakaw ng suspek ay agad itong ini-report sa pulisya kaya nadakip ang naturang shoplifter at nahaharap sa kasong theft.
Patunay na ang PNP at mamamayan ay kaisa sa adhikain na tuldukan at ilagay sa likod ng rehas ang taong lumalabag sa batas.