Isinagawa ang blessing ceremony ng kaparian ng Archdiocese of Cagayan de Oro ilang araw bago ang grand launch ng Fiesta Sa Kaumahan 2025: Agro Fair and Garden Show sa Gaston Park, Cagayan de Oro City nito lamang Agosto 6, 2025.
Kabilang sa mga nakibahagi sa seremonya na pinangunahan ng City Agricultural Productivity Operations Office (CAPOO) ay sina Rev. Fr. Raul Ricacho, Rector at Parish Priest ng St. Augustine Metropolitan Cathedral, Rev. Fr. William Salva, Kura Paroko ng San Isidro Labrador Eco-Church, Kauswagan, Rev. Msgr. Eutiquiano Legitimas, Kura Paroko ng Parokya ng Nuestra Señora Virgen del Rosario, Consolacion, at Rev. Julian Guinit, Parish Priest ng Our Lady of Miraculous Medal Parish, Lumbia.
Ang Agro Fair and Garden show ay isa sa mga pangunahing kaganapan ng 2025 Higalaay Festival ng Cagayan de Oro City na nagsisilbing itampok ang ani ng agrikultura at pagkamalikhain ng mga komunidad ng pagsasaka sa lungsod.
