Cotabato – Tatlong indibidwal ang timbog nang makuhanan ng baril at mga bala sa checkpoint operation ng mga awtoridad sa Brgy. Datu Binasing, Pigcawayan, Cotabato bandang 8:10 ng gabi nito lamang Enero 13, 2024.
Kinilala ang mga suspek na sina alyas “Jomar”, “Rafael”, at alyas “Mana”, parehong nasa wastong gulang at pawang residente ng Barangay Butig, Sultan Kudarat, Maguindanao Del Norte.
Nabatid na naharang ang mga suspek sa checkpoint operation at narekober ang caliber 45 pistol na may kasamang magazine at limang bala.
Nabigo naman ang mga suspek na magpakita ng mga kaukulang dokumento sa dala nilang armas kaya’t agad silang inaresto ng mga awtoridad.
Nahaharap ang mga suspek sa kasong paglabag sa RA 10591 o Comprehensive Comprehensive Law on Firearms and Ammunition Regulation Act.
Patuloy ang PNP sa pagsisikap na maging tahimik at payapa ang ating komunidad.