Isinagawa ang isang Collaborative Stakeholders’ Forum: PNP Quick Response Strategies and Empowering Communities Against Mis- information, Dis-Information and Mal-Information sa Multi-Purpose Canter, Parang, Maguindanao del Norte nito lamang ika- 25 ng Setymbre 2025.
Ang naturang aktibidad ay dinaluhan ng Ministry of Interior and Local Government (MILG) ; PNP PRO BAR;NAPOLCOM; 6th Infantry Division (6ID); Bureau of Fire Protection (BFP-BAR); Philippine Drug Enforcement Agency (PDEA); National Bureau of Investigation; Ministry of Transportation and Communication (MOTC); Ministry of Basic Higher and Technical Education (MBHTE); Bangsamoro Rapid Emergency Action on Disaster Incidence (BARMM-READi); Women, Business, Religious Sectors; and BACK Media LGUs, NGOs, at Academe.
Ibinida rin sa naturang aktibidad ang sama-samang paglagda sa isang Pledge of Support and Commitment board na may temang “Building Stronger Communities Through Partnership, Trust, and Shared Responsibility”, na layunin nitong pagtibayin ang ugnayan at pagtutulungan ng iba’t ibang sektor ng lipunan upang makabuo ng mas ligtas at matatag na lipunan.
Isa rin itong plataporma upang palakasin ang kakayahan at kaalaman ng mga komunidad sa paglaban at pagbibigay-linaw laban sa maling impormasyon, mapanlinlang na impormasyon, at mapaminsalang impormasyon.
Sa pamamagitan nito, inaasahang mas mapagtibay ang tiwala at pakikipag-ugnayan ng publiko sa PNP, gayundin ang pagpapanatili ng kapayapaan at kaayusan sa buong rehiyon ng Bangsamoro.