Iginawad ng Philippine Center for Post Harvest Development and Mechanization (PHilMech) ang tinatayang P350 milyong halaga ng mga makinarya at seaweed farm implements para sa mga asosasyon ng magsasaka at indibidwal na mga benepisyaryo sa lalawigan ng Zamboanga del Sur nito lamang ika-28 ng Setyembre 2025.
Pinamunuan ni Department of Agriculture (DA) Secretary Francisco Tiu Laurel Jr., kasama si Zamboanga del Sur Governor Divina Grace Yu at mga kinatawan ng PHilMech ang turnover ceremony na isinagawa sa Provincial Government Complex ng Pagadian City.
Nakatanggap ng Rice Combined Harvesters at tractors ang mga asosasyon ng magsasaka sa nasabing probinsya sa ilalim ng Rice Competitiveness Enhancement Fund (RCEF) – Mechanization Program.
Iilan din sa mga ipinamahagi, ang 600 sets ng Seaweed Farm Implements na nagkakahalagang P14M na iginawad sa mga indibidwal na benepisyaryo, isang unit ng Seaweed Warehouse na may Solar Dryer at Buying Station na may halagang P7.2-M ang iginawad naman sa pamahalaang lokal ng Dimataling sa ilalim ng Enhanced Philippine Seaweed Development Program (EPSDP), at iba pa.
Samantala, nakatanggap din ng mga makinaryang pang-agrikultura ang mga farmer associations ng karatig na lalawigan tulad ng Zamboanga del Norte at Zamboanga Sibugay