Gi-pusil sa mismong mister ang iyang misis gamit ang iyang issued firearms ug nagpakamatay pud kini human sa nahitabong away mag-asawa sulod sa Marine Brigade Artillery Area (MBAA) Camp sa Barangay Cabatangan, Zamboanga City niadtong Hunyo 23, 2026.
Nahibal-an nga ang magti-ayon miyembro sa Philippine Marines ug giila nga si SSgt Julie Ann Arsaga Santillan, 37-anyos, ug SSgt. Dante Santillan.
Matod pa nga nagbangi ang magti-ayon tungod sa personal ug pinansyal nga problema, partikular kung ibaligya ba ang ilang traysikol o mangutang na lang.
Ug wala damha, kalit lang gipusil ni SSgt. Dante ang iyang asawa nga si SSgt. Julie Ann sa ulo ug lawas nga miresulta sa hinanaling kamatayon niini.
Human sa pagpamusil sa iyang asawa, gipusil pud niini ang iyang kaugalingong ulo nga ma’oy hinungdan usab sa iyang kamatayon.
Padayon ang lalom nga imbestigasyon sa Zamboanga City PNP ug gi-awhag ang katilingban nga kung ana-a may problema o dili pagkasinabot sa asawa o kaila nga estoryahan kini sa kalmado nga pamaagi ug himoon nga sentro sa relasyon ang Ginoo, nga labaw nga makagagahom sa tanan, ug magsinabtanay arun dili mo resulta sa pagkakalas sa kapikas, ug mahal sa kinabuhi.