Nitambong ang ana-a sa kapin o kulang 450,000 ka mga Bangsamoro sa usa ka multi-sektoral nga peace rally nga gihimo sa Governor Gutierrez Avenue ug atubangan sa Bangsamoro Government Center, Cotabato City karung adlawa, Huwebes, Hunyo 25, 2026.
Ang mga partisipante gikan sa nagkadaiyang sektor nagtigom aron ipakita ang ilang suporta sa pagpasig-uli sa MILF-led nga Bangsamoro Transition Authority ug sa pagbalik ni Al-Haj Murad Ebrahim aron mangulo sa transisyon sa Bangsamoro subay sa mga tumong ug prinsipyo sa proseso sa kalinaw sa Bangsamoro.
Ang rally nakadani og liboan ka mga supporters gikan sa nagkalainlaing bahin sa rehiyon sa Bangsamoro, nga naghimo niini nga usa sa labing dagkong pampublikong panagtigom nga nahitabo sa miaging mga tuig.
Sumala sa mga organizer, padayon nga miabot ang mga partisipante sa tibuok adlaw, nga nakadugang pa sa gidaghanon sa mga nagtambong.
Gipasiugda sa maong kalihokan ang panawagan sa nagkalainlaing grupo alang sa padayon nga pagpalambo sa proseso sa kalinaw ug alang sa liderato nga, sumala nila, nagrepresentar sa mga pangandoy ug interes sa katawhang Bangsamoro.