Gipanghinambog ang kaandam sa Commission on Elections (COMELEC) Data Center 3 sa media ug stakeholder alang sa umaabot nga 1st Bangsamoro Autonomous Region in Muslim Mindanao (BARMM) Parliamentary Election karung Setyembre 14, 2026.
Kini gipangulohan ang walkthrough ni COMELEC Chairman George Erwin M. Garcia, diin iyang gipasabut ang mga teknikal nga aspeto sa sistema. Gipakita usab ang higpit nga mga protocol sa seguridad ug ang mga redundancy measures aron masiguro ang padayon ug walay hunong nga operasyon sa adlaw sa eleksyon ug sa mosunod nga mga adlaw sa canvassing.
Ang COMELEC Data Center 3 magsilbing importante nga pasilidad alang sa eleksyon. Kini adunay mga server rack ug mga Consolidation and Canvassing System (CCS) laptop nga gitagana alang sa piho nga mga buluhaton, sama sa paggamit sa Dominant Minority Party.
Ang tumong sa maong kalihokan mao ang pagpakita sa publiko, pinaagi sa media ug mga stakeholder, sa kaandam ug seguridad sa teknolohiyang gamiton sa consolidation ug canvassing sa mga boto.
Kining inisyatiba kabahin sa mas halapad nga pagpangandam alang sa pinakauna nga 1st BARMM Parliamentary Election, nga nagtinguha nga masiguro nga ang matag boto sa mga lumulupyo sa BARMM mapanalipdan, maihap sa hustong paagi, ug maipahibalo dayon ang resulta inubanan sa mga uban pang ahensya sa gobyerno sama sa Philippine National Police (PNP) nga magahatag ug seguridad sa maong election.
