Nasakmit ang gibanabanang P14 milyon nga kantidad sa puslit nga yosi sa operasyon sa mga awtoridad nga miresulta sa pagdakop sa 38 ka indibidwal sa Mati City, Davao Oriental niadtong Huwebes, Hunyo 25, 2026.
Nahibal-an nga usa ka wing van ang na ay dala sa mga puslit nga yosi sa Barangay Badas nga gibanabanang nagkantidad og P14 milyon, ug 36 ka indibidwal ang gidakop. Samtang sa Golden Valley, lain usab nga laing wing van, diin padayon pa ang beripikasyon sa gibanabanang kantidad sa mga puslit nga yosi, ug duha ka indibidwal ang gidakop.
Gikompiska sa kapulisan ang nagkalain-laing brand sa puslit nga yosi sama sa Aris, Bosqu, ug Greenhills, nga walay Health Warnings ug walay legal nga mga dokumento alang sa transportasyon niini.
Padayon ang Davao Oriental PNP sa pagbantay sa mga smuggling nga aktibidad sa probinsya arun mamintinar ang kahapsay ug kalinaw, inubanan sa kooperasyon ug tabang sa katawhan.
