Pormal nang gideklara nga “Insurgency-Free” ang Valencia City, Bukidnon, atol sa gipahigayon nga seremonya niadtong Oktubre 10, 2025, sa Valencia City Hall Covered Court.
Hiniusang gihimo sa City Government of Valencia kauban ang Armed Forces of the Philippines (AFP), Philippine National Police (PNP), Department of the Interior and Local Government (DILG), ug uban pang ahensiya ang maong kalihokan, nga nagtimaan sa kalampusan sa mga inisyatibo sa lokal ug nasyonal aron makab-ot ang hingpit nga kalinaw ug seguridad sa siyudad.
Gawas sa pagdeklara nga wala nay insurhensiya sa siyudad, gihimo usab ang ceremonial signing sa deklarasyon sa CPP-NPA isip Persona Non-Grata, ingon man sa pagbuhi og mga kalapati isip simbolo sa kalinaw ug paglaum. Usa ka kanhing rebelde usab ang mipamatuod sa kalampusan sa mga programa sa gobyerno nga naghatag kaniya og oportunidad alang sa pagbag-o ug pagbalik sa komunidad.
Nagmalamposon ang programa pinaagi sa lig-on nga panaghiusa ug liderato sa lokal nga administrasyon sa pagpanguna ni Mayor Amie Galario, kauban ang suporta sa 10th Sangguniang Panlungsod sa pagpangulo ni Vice Mayor Greizl Galario-Fernandez.
Nagpaabot usab sa ilang suporta ang mga opisyal nga nagsilbing haligi sa seguridad ug lokal nga administrasyon, lakip na sila Councilor Rolando Centillas Jr., (Committee Chair sa Peace and Order), CLGOO Jan Eric Manasan (DILG Valencia City), Ronaldo Bayaon (OIC-NCIP Provincial Office), PCOL Jovit Culaway (Provincial Director, Bukidnon PPO), COL Christopher Diaz (Acting Brigade Commander, 1003rd Brigade), MGEN Allan Hambala (10th Infantry Division), ug Liga ng mga Barangay President Louie John Naiz.
Source: City Government of Valencia, Bukidnon
