Nakalotan sa mga otoridad ang gitu-ohang patay nga lawas sa Commanding Officer sa New People’s Army (NPA) sa kabukirang parte sa Sitio Mangilet, Barangay Bal-ason, Gingoog City, Misamis Oriental adtong Disyembre 18, 2025.
Nahimong malampuson ang pagkalot sa patay nga lawas tungod sa pagsulti sa usa ka bag-o lang nga ni-surrender nga miyembro sa NPA nga si alyas “Zero”.
Nahibal-an nga ang maong patay nga lawas gipanag-iyahan ni alyas “Rebo,” Commanding Officer sa Platoon Falcon ubos sa SRC1, North Central Mindanao Regional Committee (NCMRC).
Gito-ohan nga namatay ang taas nga opisyal sa NPA uban sa tulo ka NPA members human ang engkwentro sa kasundaluhan adtong tuig 2021.
Bisan pa sa kalambigitan ni alyas “Rebo” sa armado ug teroristang grupo, nagpabilin ang
Philippine Army ug Gingoog City PNP sa paghatag ug tukma nga lugar arun malubong kini ug aron mahatagan sa pamilya sa usa ka tukma ug halangdon nga katapusang pahulayan.
Gi-awhag ang uban nga miyembro ug tagasuporta sa NPA nga biya-an ang teroristang grupo ug mobalik sa sabakan sa gobyerno arun magsugod ug panibag-o nga kinabuhi uban sa ilang kaugalingong pamilya.