Gihan-ay sa Pangagamhanang Probinsyal sa pagpanguna sa PGO-Provincial Tourism Division ug sa Street Dancing Competition Committee ang mga giya sa umaabot nga street dancing, ground & float competition, sa Kaamulan Festival 2026 pinaagi sa usa ka meeting kauban ang siyam (9) ka LGU contingents ug mga hingtungdang ahensya ug opisina niadtong Pebrero 26, 2026 sa Kaamulan Centennial Stage, Kaamulan Park, Malaybalay City, Bukidnon.
Sa maong tigum, gipalawom ang hisgutanan kalabot sa general house rules, regulation and guidelines, implementation and mechanism, criteria for judging, disqualification and penalties ug uban pang giya sa nanganlang kompetisyon nga ipahigayon sa umaabot Abril 18, 2026.
