Giturn-over ang upat ka assorted high-powered firearms gikan sa kanhi miyembro sa New People’s Army (NPA) sa Camp Captain Ramon M Onahon, Malaybalay City, Bukidnon niadtong Pebrero 26, 2026.
Ang kanhi miyembro sa teroristang grupo nagpailalom sa programa sa gobyerno nga Task Force Balik-Loob Program ilalom sa Enhanced Comprehensive Local Integration Program (E-CLIP).
Nitambong sa maong aktibidad si Ms Shella Marie C Albarece, DILG representative kauban si 1LT Danica Rose T De Leon, Logistics Officer, 8IB, 4ID, Philippine Army ug si Police Colonel Oliver S Navales, Provincial Director sa Bukidnon Police Provincial Office nga gi-prisenta ni Police Lieutenant Colonel Arce V Yam-oc, Deputy Provincial Director for Administration.
Ang pag-surrender ug pagbalik sa sabakan sa gobyerno sa maong kanhi miyembro sa NPA, nagpakita sa maayong pagdumala ug dakong pagsalig sa kasundaluhan ug kapulisan labi na sa gobyerno nga motabang arun magsugod ug utro layo sa kasamok ug kagubot nga dala sa teroristang grupo.