Padayon nga gipalig-on sa Philippine National Police (PNP) ang ilang kooperasyon sa mga tradisyunal nga lider sa Maguindanao del Sur aron mapadayon ang kalinaw ug kahapsay sa komunidad. Sa gihimong dayalogo sa Barangay Tambunan II, Guindulungan, nakigpulong si PCOL Michael John C. Mangahis uban kang Datu Midpantao M. Midtimbang Sr. ug Vice Mayor Midpantao M. Midtimbang Jr.
Gituki sa maong tigom ang kahimtang sa peace and order, kaluwasan sa katawhan, ug ang importansya sa papel sa mga lider sa paggiya sa komunidad. Gipasiugda usab ang prinsipyo sa hustisya, patas nga pagpatuman sa balaod, ug ang kahinungdanon sa diyalogo ug panagkasabot isip paagi sa pagsulbad sa mga panagbangi.
Sumala sa PNP, ang maong inisyatiba nagpakita sa padayon nga panagtinabangay sa gobyerno ug tradisyunal nga sektor aron mapalig-on ang kalinaw, panaghiusa, ug kalamboan sa lugar.
Source: StarFM Cotobato