Cagayan de Oro City – Usa ka dakong sunog ang miulbo kagahapon sa gabii nga miigo sa mga kabalayan sa Saint John, Barangay Puntod ug San Isidro Labrador, Barangay Lapasan, diin kapin sa usa ka gatos (100) ka balay ang hingtungdan sa kalayo.
Sumala sa mga saksi, paspas nga mikaylap ang kalayo tungod sa kusog nga hangin ug siksik nga pagkabutang sa mga balay sa lugar. Dili pa matino sa karon ang sinugdanan sa sunog samtang nagpadayon pa ang imbestigasyon sa Bureau of Fire Protection (BFP).
Daghang pamilya ang napugos sa dali-daling paglikas aron makaluwas sa ilang kinabuhi, samtang ang mga bombero ug mga volunteers nagtinabangay aron mapalong ang kalayo human sa pila ka oras nga paningkamot.
Walay kumpirmadong napaangol o namatay sa insidente, apan daghang mga residente ang nawadan og balay ug kabtangan. Ang lokal nga gobyerno karon nagahatag og emergency assistance, lakip na ang pagkaon, tubig, ug temporaryong masilongan alang sa mga biktima.
Nagpadayon ang koordinasyon sa BFP, barangay officials, ug city disaster risk reduction and management office alang sa mas detalyadong assessment sa kadaot ug pagpanghatag og dugang tabang sa mga apektadong pamilya.
Source: DXCC CDO