Walay usik nga oras ug giluwas dayon ug gisiguro ang kaluwasan sa usa ka bag-ong natawo nga batang lalaki human kini nadiskobrehan nga gibiyaan sulod sa bao-bao sa duha ka pulis nga na-assign sa Caraga Municipal Police Station sa Purok Rose, Barangay Poblacion, Caraga niadtong Mayo 10, 2026.
Matod pa sa Caraga Municipal Police Station, nakamata ang usa ka residente human makadungog og kusog nga hilak sa usa ka bata ug panaghaw sa iro gawas sa ilang panimalay.
Sa dihang gisusi niini ang gigikanan sa kusog nga hilak sa bata, nadiskubre niini ang bag-ong natawo nga bata sulod sa maong sakyanan ug dayon nakigkontak sa kapulisan.
Daling mitubag ang duha ka naka-duty nga pulis nga nailhang sila Police Staff Sergeant Clyde Y. Drona ug Police Corporal Roland I. Bayon, ug ilang gikugos dayon aron masiguro ang kaluwasan sa maong bata ug gidala kini sa Municipal Health Center alang sa medikal nga atensyon.
Sa pagkakaron, padayon ang lalom nga imbestigasyon sa Caraga MPS arun manubag ang ginikanan sa pag-abandona sa maong bag-ong natawo nga batang lalaki ug gidayig sa katawhan ang dali nga aksyon sa duha ka pulis kay wala kini nagduha-duha sa pagsiguro sa paghatag ug proteksyon arun masiguro nga luwas kini sa peligro.