Mas gipakusgan sa Philippine National Police ug Armed Forces of the Philippines ang seguridad alang sa umaabot nga pinakaunang Bangsamoro Parliamentary Elections 2026, busa gipahigayon ang Provincial Joint Peace and Security Coordinating Committee (JPSSCC) sa Camp Datu Akilan, Shariff Aguak, Maguindanao del Sur niadtong Mayo 11, 2026.
Nahibal-an nga gihisgutan sa maong meeting ang operational updates sama sa deployment plans sa mga tropa, augmentation requirements, ug ang kinatibuk-ang security posture sa mga yunit sa rehiyon.
Nagpakita kini sa lig-on nga paningkamot sa PNP ug AFP nga mapadayon ang mga kalampusan sa operasyon, hugot nga mapatuman ang mga lakang sa seguridad, ug mapanalipdan ang tibuok probinsya uban sa tabang sa Local Government Unit ug sa katawhan.
