Gi-surrender sa mga residente ngadto sa mga otoridad ang walo ka high-powered firearms atol sa deklarasyon sa Panglima Estino isip usa ka Rido-Free, Gun-Free, and Peace-Centered Community (RFGFPCC) niadtong Huwebes, Mayo 21, 2026 sa Brgy. Punay, Panglima Estino, Sulu.
Nasayran nga ang mga residente mitugyan og nagkadaiyang high-powered ug military-grade weapons lakip ang usa ka M72 66mm Light Anti-Tank Weapon (LAW), usa ka 7.62mm M14 rifle, duha ka caliber .30 M2 Carbine rifles nga adunay drum-fed magazines, tulo ka caliber .30 M1 Garand rifles, ug usa ka Colt 9mm AR-15 rifle.
Ang maong lakang dakong kaayuhan sa probinsya sa Sulu arun mas paspas ang pagkab-ot sa kalamboan labi na nga nangunay ang mismong katawhan sa pagtabang arun mamintinar ang kahapsay inubanan sa PNP ug AFP.