Nagmalampuson ang graduation ceremony sa 60 ka benepisyaryo sa Project LETRA: Gulong ng Karunungan (GNK) nga gipahigayon sa Trade Center Pavilion niadtong Mayo 26, 2026.
Gitambongan kini nila Konsehal Ciara Isabelle Uy-Salazar ug Konsehal Rex Jasper Aala, chairperson sa Committee on Education, isip pagpakita sa suporta sa lokal nga panggamhanan sa mga programa nga nagpalambo sa edukasyon ug foundational learning sa kabatan-onan sa Siyudad sa Tagum.
Nakig-uban usab sa maong kalihukan ang mga representante gikan sa Tagum Doctors College, Inc. – Envision Readers Club, Youth Service Philippines Tagum Chapter, Dalisay Chapter 61 Order of DeMolay, Kabataan sa Kartilya ng Katipunan, I AM SINAG Volunteer Organization, Tagum City Scholars Guild, USEP Tagum-Mabini Campus, UM Tagum College – Linguaphile Society, CARD MRI – Union of Filipino Tourism Students, ug St. Mary’s College of Tagum, Inc., kauban ang mga partner offices nga nagtinabangay sa implementasyon sa programa.
Ang Project LETRA: GNK usa ka programa sa LGU Tagum uban sa suporta sa PhilSeven Foundation nga nagtumong sa pagpalapad sa oportunidad sa pagkat-on ug pagpaayo sa kalidad sa edukasyon sa komunidad.