Niadtong Hunyo 3, 2026, 60 ka mga estudyante sa San Carlos Integrated School ang nakadawat og school supplies gikan sa buhatan ni Mayor Amie Galario isip kabahin sa padayon nga suporta sa Lokal nga Panggamhanan sa Valencia alang sa edukasyon.
Ang maong inisyatiba nagtumong sa pagtabang sa mga estudyante pinaagi sa paghatag sa ilang mga batakang gamit sa eskwelahan aron mas mapadali ang ilang pagkat-on ug mapagaan ang gasto sa ilang mga ginikanan.
Samtang ang mga estudyante nakadawat og school supplies, ang ilang mga ginikanan usab nakadawat og mga haplas isip dugang nga tabang gikan sa buhatan ni Mayor Galario.
Sumala ni Mayor Galario, ang edukasyon nagpabiling usa sa mga prayoridad sa administrasyon tungod kay kini maoy pundasyon sa kalamboan sa kabatan-onan ug sa komunidad.
Nagpasalamat usab ang mga estudyante, ginikanan, ug mga magtutudlo sa maong suporta nga ilang nadawat gikan sa lokal nga panggamhanan.
Ang paghatag og school supplies ug mga haplas kabahin sa padayon nga mga programa sa LGU Valencia nga nagtumong sa pagpalambo sa kalidad sa edukasyon ug paghatag og mas maayong oportunidad alang sa mga kabatan-onan ug ilang mga pamilya.
PIAD | Jay Fernandez-Ara
Photos: Arnold Lisondra