Miapil ang 118 ka Child Development Workers (CDWs) sa Dakbayan sa Malaybalay sa Capability Building for Child Development Workers nga gipahigayon niadtong Hulyo 10–14, 2026 sa Cagwait, Surigao del Sur.
Kabahin sa lima ka adlaw nga pagbansay ang Orientation sa Good Governance nga gipasiugdahan sa Malaybalay Good Governance Movement ug ang Orientation sa Disaster Risk Reduction and Management (DRRM) ug Climate Change Adaptation (CCA) nga gipahigayon saMalaybalay City Disaster Risk Reduction and Management Office (CDRRMO).
Gipalig-on sa mga sesyon ang kahibalo sa mga CDWs bahin sa maayong pagdumala, integridad, pagpangandam sa kalamidad, ug pagpanalipod sa mga Child Development Centers aron masiguro ang kaluwasan ug kaayohan sa mga kabataan.
Tumong sa maong capability building ang pagpalambo sa kahanas sa mga CDWs aron mas episyente ug responsableng mahatag ang serbisyo sa Early Childhood Care and Development (ECCD) sa Dakbayan sa Malaybalay.
Report: CSWDO-NADA