Gibansay sa Public Speaking ang mga Kabataang Tagumenyo nga mingsalmot sa gipahigayong Hostsayan Natin Academy, kaniadtong Hulyo 18, 2026, sa JV Ayala Hall sa Tagum City Hall, Davao del Norte.
Sulod sa usa ka adlaw nga training, gipalambo sa mga partisipante ang kahanas sa hosting, scriptwriting, ug event moderating pinaagi sa pag-apil sa mga mabulukong diskusyon ug actual exercise.
Nagpaambit sa ilang kahibalo ug kasinatian sa ilang field of expertise ang mga dinapit nga speakers nga gilangkuban nila Ysrael Damaolao, News Anchor sa PTV Davao; Reymark Namangcayao, Presidente sa Tagum City Hosting Collectives; ug Jirah Jade Sullano, Anchor ug Radio Broadcaster sa 99.1 Radyo Tagum.
Kini gibuhat aron mabansay ang mga Next Generation event host ug moderator sa dakbayan, ilabi na nga abunda ang Tagum sa mga gipahitabong Festival ug ubang dagkong kalihukan.
Gipangunahan ang Hostsayan Natin Academy 2026 sa Tagum City Youth and Sports Development Office (TCYSDO), isip kabahin sa ilang pagpangandam sa umaabot nga pinakadong pagsaulog sa Youth Fest sa Tagum, karong bulan sa Agusto.
Photos: TCYSDO