Nitahan sa kapulisan ang duha ka mag-uuma ug kanhi miyembro sa New Peopleโs Army (NPA) ug narekober ang duha ka armas ngadto sa opisina sa 1004th Maneuver Company Headquarters, Regional Mobile Force Battalion 10 sa Sitio Masimag, Barangay Tagbak, Talakag, Bukidnon niadtong Hulyo 20, 2026.
Giila ang mga mi-surrender nga sila alias “Mama”, 26 anyos, ug alias “Maria”, 27 anyos, pulos mga mag-uuma, kanhi sakop sa Platoon Fury, Sub-Regional Committee 5 sa North Central Mindanao Regional Committee (NCMRC).
Narekober gikan kay alias “Mama” ang usa ka kalibre .45 nga pistola nga adunay duha ka bala, samtang si alias “Maria” nagbitbit usab ug usa ka improvised shotgun nga adunay duha ka 12-gauge nga bala.
Nahibal-an nga ang duha nagsilbing tagahatag ug pagkaon sa maong grupo gikan tuig 2016 hangtod 2022, apan nakahukom nga mobiya sa armadong pakigbisog tungod sa nagkahuyang nga pwersa sa ilang grupo ug sa pagsurender usab sa ilang mga kabanay.
Ang maong pagsurender resulta sa padayon nga operasyon ug mga programa sa PNP ug gobyerno nga nagtumong sa pagdasig sa mga miyembro ug tagasuporta sa NPA nga mobalik sa sabakan sa gobyerno arun magsugod ug panibag-ong kinabuhi uban sa ilang pamilya.