Gipasidunggan sa Lokal nga Panggamhanan sa Tagum, pinaagi sa City Disaster Risk Reduction and Management Office (CDRRMO), ang mga indibidwal, organisasyon, ug mga barangay nga nagpakita og talagsaong kontribusyon sa pagpalig-on sa disaster preparedness ug resiliency sa siyudad.
Ang 2nd Lig-ong Tagumenyo Awarding Ceremony gipahigayon niadtong Hulyo 30, 2026 sa City Hall Atrium isip kabahin sa pagsaulog sa National Disaster Resilience Month 2026.
Gitambungan kini sa mga opisyal sa siyudad ug uban pang mga stakeholders.
Gipasidunggan ang mga nagdaog sa GO Bag Challenge, mga outstanding youth ug community leaders, mga empleyado sa gobyerno, ahensya, non-government organizations, ug mga Barangay Disaster Risk Reduction and Management Committees (BDRRMCs) tungod sa ilang dakong papel sa pag-andam ug pagpalig-on sa kaluwasan sa komunidad batok sa mga kalamidad.
Gipadayag usab sa LGU-Tagum ang ilang dakong pasalamat sa tanang sponsors, response partners, ug mga miyembro sa City Disaster Risk Reduction and Management Council (CDRRMC) alang sa ilang padayon nga suporta ug panagtambayayong sa paghimo sa mas lig-on ug mas andam nga komunidad.