Gipahigayon ang Blessing ug Ceremonial Turnover sa Pickleball Court nga gipangulohan ni PCOL WARREN E. DABLO, Provincial Director sa Surigao del Norte Police Provincial Office nga nahimutang sulod maong Kampo niadtong Hulyo 30, 2026.
Kabahin usab sa maong kalihokan ang pagpanalangin sa korte nga gipangulohan ni Pastor Leonil F. Mijares sa Surigao Grace Community Church ug miyembro sa Provincial Advisory Group (PAG) Religious Sector, nga gisundan sa seremonyal nga pagtugyan sa Pickleball Court.
Gitukod kini nga pasilidad aron mapasiugda ang kanunay nga pag-ehersisyo ug mapalambo ang kinatibuk-ang kahimsog sa mga personahe, nga nagpalig-on sa himsog nga lawas ug hapsay nga panghunahuna.
Nahimo kini nga pasilidad pinaagi sa dako ug mapinanggaon nga suporta sa atong bililhong stakeholder nga si Hon. Fresa Placencia, Barangay Captain sa Barangay Hayanggabon, Claver, Surigao del Norte. Gilauman nga ang maong half-court makatabang sa pagpalambo sa pisikal nga kahimsog sa mga personahe sa Surigao del Norte PPO, aron mapadayon nila ang himsog nga panginabuhi nga mosangpot sa mas paspas nga pagtubag sa mga emerhensya ug mas episyente nga pagdumala sa mga buluhaton sa opisina.
Ang maong seremonyal nga pagtugyan nagpakita sa padayon nga pasalig sa Philippine National Police (PNP) sa pagpalig-on sa pisikal nga kahimsog ug kinatibuk-ang kaayohan sa ilang mga personahe. Pinaagi sa pagpausbaw sa ilang kalig-on batok sa pisikal ug mental nga hagit sa serbisyo sa kapulisan, kini nga inisyatiba nagpalambo sa dugayng panglawas aron mahimo nilang matuman ang ilang katungdanan sa epektibong paagi ug makaretirar nga anaa sa maayong pisikal nga kahimtang.
Photo by: Surigao del Norte Police Provincial Office