Patay nga nakit-an ang usa ka lalaki nga gituohang estudyante sa bahin sa Simuay River sa Barangay Matengen, Sultan Kudarat, Maguindanao del Norte.
Sumala sa inisyal nga impormasyon, mga residente ang nakadiskubre sa biktima nga adunay duha ka samad sa bala sa tiyan. Wala pa mailhi ang biktima ug wala pa usab matino ang eksaktong hinungdan ug sirkumstansya sa insidente.
Padayon ang imbestigasyon sa mga awtoridad aron mahibal-an ang tibuok panghitabo ug kung adunay foul play. Gihangyo usab ang mga adunay nawawalang kapamilya nga makig-ugnayan sa labing duol nga estasyon sa pulisya alang sa pag-ila ug beripikasyon sa biktima.