Gipahigayon ang Conflict Sensitive Media Training and Workshop sa Covered Court sa Bukidnon Provincial Police Office sa Malaybalay City, Bukidnon niadtong Myerkules, Agosto 26, 2026.
Kini nga kalihokan kabahin sa pagsaulog sa 4th Bukidnon Press Freedom Week nga nagtumong sa pagpalig-on sa kahibalo ug katakos sa mga media practitioners sa probinsya.
Alayon niini ang dugang refresher sa mga Media ethics ilabi na sa reposonsibidad ug papel sa paghatag og balita, impormasyon sa kahanginan ug sa social media.
Gihisgutan sa unang sesyon ang mahinungdanong papel sa media isip kaabag sa lokal nga panggamhanan.
Ang Session 2 mao ang ‘Introduction to Peace-building for Media Practitioners’, diin gituki ni DILG Provincial Director Rhona Pedraza-Abadilla ang mga pamaagi sa pagpasiugda sa kalinaw pinaagi sa husto ug mabinantayong pagbalita.
Samtang ang sesson 3 mao ang Conflict-Sensitive Reporting, kini alang sa mabinantayong pagtaho sa mga sensitibong isyu o panagbangi aron malikayan ang pag-ulbo sa kagubot.
Ang tibuok adlaw nga pagbansay gilauman nga maghatag og mas lawom nga panan-aw sa mga media practitioners alang sa usa ka makiangayon, balanse ug malinawong pagpadayag sa mga balita sa sulod ug gawas sa probinsya.