Malampusong nakarekober sa kapulisan ang duha ka 81mm mortar rounds human kini gitaho nga nakit-an sa usa ka residential area sa Dama de Noche, Adela, Barangay Camaman-an, Cagayan de Oro City niadtong Agosto 24, 2026.
Nahibal-an nga takna 10:00 sa gabii, nakadawat og tawag pinaagi sa 911 emergency hotline ang kapulisan gikan sa usa ka concerned citizen mahitungod sa giingong mortar round nga nakit-an sa maong lugar.
Nahibaloan nga mga alas 12:00 sa udto sa maong adlaw, usa ka tawo nga giila sa alyas nga “Aries” misulod sa balay sa iyang silingan nga giila usab sa alyas nga “Rick” ug didto iyang namatikdan ang usa ka 81mm mortar round taliwala sa tapok sa mga basura.
Human makumpirma ang report, gilayon nangayo og tabang ang mga police personnel sa PNP Explosive Ordnance Disposal (EOD) Unit 10 ug giila sa EOD technician ang mga nakit-an nga mga butang isip duha ka 81mm Mortar, HE (High Explosive) rounds.
“The immediate response and proper coordination of our personnel are crucial in preventing potential incidents and protecting our communities. PRO10 remains committed to ensuring the safety and security of the public at all times,” “The immediate response and proper coordination of our personnel are crucial in preventing potential incidents and protecting our communities. PRO10 remains committed to ensuring the safety and security of the public at all times,” matod pa ni PBGen Aaron M Mandia, Officer-In-Charge sa, Police Regional Office 10.