Nagkalain-laing pagkaon ug lamian nga cakes nga adunay durian flavor ang mipuno sa Grand Buffet ug Celebration Cake categories sa Durian Culinary Olympics niadtong Agosto 30, 2026, sa Tagum Trade and Exhibition Center, Rotary Park, Tagum City, Davao del Norte.
Sa Grand Buffet, gipresentar sa mga student chefs ang ilang mga pinasahi nga durian-inspired cuisines ug desserts, lakip na ang mga celebration cakes nga ilang gi-bake ug gidekorasyonan, nga nagpakita sa ilang talento, creativity, ug kahanas sa baking.
Pinaagi sa Durian Culinary Olympics, nahatagan og higayon nga mapalambo ug mapabida ang durian pinaagi sa paggamit niini isip main ingredient sa nagkalain-laing food, drinks, ug desserts, nga naghatag og dugang nga pagtagad sa produkto sa lokal nga mga mag-uuma sa durian sa syudad.