Nagpabiling dakong hagit sa siyudad sa Malaybalay ang kakulang sa kapasidad sa sanitary landfill, nga gibanabanang molungtad na lamang og usa hangtod duha ka tuig.
Tungod niini, gipadayag ni Malaybalay City Mayor Jay Warren Pabillaran, nga kinahanglan kini masulbad busa gitagana ang ₱50 milyones alang sa dugang pagpaayo sa landfill aron matubag ang problema sa basura ug mapalig-on ang pagdumala sa kinaiyahan.
Giaprobahan na sa City Development Council ang maong proyekto ug gipaabot nga masugdan kini human maaprobahan ang tinuig nga badyet sa sunod tuig.
Subay niini, gii-aprubahan na sa gipahigayon nga tigum sa City Development Council (CDC) sa Malaybalay City ang alokasyon gikan sa 20 porsiyento nga pondo sa dakbayan, diin nalakip ang pondo nga gamiton alang sa pagpa-ugmad sa lokal nga landfill.
Sumala pa, bisan man og kinahanglan ang pondo nga moabot sa ₱50 milyon alang sa maong proyekto, ang kasamtangang nalakip sa pondo gipasa na sumala sa probisyon sa Local Government Code human sa gipahigayon nga konsultasyon ug pagpatigum.
Source: Bombo Radyo Bukidnon