Gisugdan na ang application process alang sa Batch 3 sa Tulong Eskwela Program: Assistance for Licensure Examinees, subay sa Executive Order No. 112, Series of 202 niadtong Lunes, Oktubre 12, 2026.
Pinaagi niini nga programa, ang mga kwalipikadong benepisyaryo makadawat og ₱5,000.00 nga pinansyal nga tabang aron makatabang sa pagbayad sa mga gasto nga may kalabotan sa ilang licensure examination nga ipahigayon gikan Oktubre hangtod Disyembre 2026.
Ani-a ang mga requirements: Intent Letter nga gi-address ngadto sa City Mayor; Application Form (ihatag sa TCYSD Office sa panahon sa pagsumite sa mga requirements); Usa (1) ka bag-ong 2×2 ID picture sa aplikante; Certificate of Residency nga gi-isyu sa Barangay; Usa (1) ka Certified True Copy sa Transcript of Records (TOR) alang sa Board Examination Purposes; Notice of Admission (NOA) nga gi-isyu sa Professional Regulation Commission (PRC); ug Certificate of Indigency nga gi-isyu sa Barangay.
Ang tanang dokumento kinahanglan ibutang sulod sa usa ka long brown envelope sa dili pa isumite.
Ang pagdawat sa mga aplikasyon molungtad hangtod Oktubre 21, 2026.
Ang paghatag sa pinansyal nga tabang ipatuman sa first-come, first-served basis, nga adunay 89 ka slots nga nahibilin alang sa mga kwalipikadong aplikante.