Napuno sa kadasig, kalingawan, ug panag-uban ang gipahigayong Milo Champ Run niadtong Oktubre 11, 2026, sa City Hall Grounds, Tagum City, Davao del Norte diin miapil ang mga running enthusiasts sa nagkalain-laing running categories nga 1KM, 3KM, 5KM.
Nagpakita sa ilang Milo Energy ang mga partisipante samtang uban sa ilang mga higala ug pamilya, nga nagpasiugda sa kahinungdanon sa aktibong pagkinabuhi ug pag-atiman sa kahimsog pinaagi sa sports ug physical activities.
Ang maong kalihokan nagpakita usab nga ang Syudad sa Tagum usa ka maayong syudad alang sa pagpahigayon sa nagkalain-laing sports activities ug community events nga nagdasig sa kahimsog, panaghiusa, ug aktibong partisipasyon sa mga Tagumenyo.