Angol ang usa ka 26-anyos nga lalaki human gidunggab sa wala pa mailhing suspek samtang nagpatunga sa away sa Purok 4, Barangay Imbatug, Baungon, Bukidnon, pasado alas-5 kagahapong adlawa.
Base sa imbestigasyon sa Baungon PNP, misulay lamang og patunga ang biktima sa panaglalis sa iyang ig-agaw ug sa suspek dihang kalit kining gidunggab sa ubos nga bahin sa likod.
Daling mikalagiw ang suspek human sa insidente, samtang gidala ang biktima sa Northern Mindanao Medical Center sa Cagayan de Oro City alang sa pagtambal.
Base sa taho, selos ang gitan-aw sa kapulisan nga posibleng motibo sa krimen. Padayon ang follow-up investigation ug hot pursuit operation aron mailhan ug madakpan ang suspek.
Source: Bombo Radyo Bukidnon