Gidakop sa entrapment operation sa PNP Regional Anti-Cyber Response Unit-10 ang usa ka 22-anyos nga estudyante nga giingong nagpraktis isip dentista nga walay lisensiya sa Purok 2A, Laviña Village, Barangay Batangan, Valencia City, Bukidnon, pasado alas-12 sa udtokagahapong adlawa, Oktubre 19.
Sumala sa report, naabtan ang suspek nga nagpahigayon og dental services sa usa ka boarding house nga gihimo niining klinika.
Giangkon usab niini nga duha na ka bulan siyang nagserbisyo sa mga kliyente nga nag-book online, nga nagbayad og P3,000 hangtod P5,000 matag sesyon.
Narekober sa operasyon ang nagkadaiyang dental equipment ug uban pang mga gamit.
Source: Bombo Radyo Bukidnon