Nakit-an ang duha ka patayng lawas sa mga lalaki nga wala pa mailhi sa kilid sa kalsada sa Barangay Taviran, Datu Odin Sinsuat, Maguindanao del Norte karung adlaw sa Martes, Nobyembre 3, 2026.
Nahibal-an nga usa ka concerned citizen ang mitaho sa Datu Odin Sinsuat Municipal Police Station takna 5:50 sa buntag kalabot sa pagkadiskobre sa duha ka patayng lawas.
Dali usab nga mitubag ang mga kapulisan ug ilang nadiskobrehan nga ang duha ka biktima adunay alambre sa ilang mga liog.
Base sa inisyal nga imbestigasyon, posibleng gilabay lamang ang mga patayng lawas sa lugar diin kini nakit-an.
Nangayo na og tabang ang Datu Odin Sinsuat Municipal Police Station sa Scene of the Crime Operatives o SOCO aron ipahigayon ang pagsusi sa crime scene.
Padayon usab nga giila sa mga awtoridad ang pagkatawo sa duha ka lalaki ug gisusi ang posibleng motibo sa likod sa maong insidente.