Nasamdan ang usa sa sakay motorsiklo human magbangga ang duha ka motorsiklo sa dalan sa Barangay Laguitas, Malaybalay City, duol sa usa ka gas station.
Matud sa mga nakasaksi, gitabangan sa pipila ka sibilyan ang biktima nga gialsa gikan sa dalan tungod kay dili na kini makatindog. Gituohang naangol kini sa bahin sa tiil, apan wala pa makumpirma ang eksaktong kahimtang niini.
Gihangyo ang mga motorista nga mag-amping, likayan ang pagpadagan og paspas ug magmatngon kanunay aron malikayan ang susamang aksidente.
Sa pagkakaron wala pa makumpirma ang dugang detalye sa insidente samtang padayong gipanubayan ang insidente.
Source: Bombo Radyo Bukidnon