Nanawagan ang Philippine National Police (PNP) sa pagpanguna ni PGen Jose Melencio C Nartatez Jr., Chief, PNP, sa mga grupong magpahigayon og protesta nga magmintinar sa kalinaw ug kahapsay samtang gipahigayon ang ASEAN Summit sa Pilipinas.

Gipasiugda sa PNP ang kamahinungdanon sa responsable nga pagpahayag sa mga opinyon ug pagbuhat sa mga protesta subay sa balaod, samtang giila ang katungod sa matag lungsoranon sa gawasnong pagpahayag ug malinawon nga pagpundok.

Gipaniguro usab sa kapulisan nga padayon nilang bantayan ang sitwasyon aron mapadayon ang seguridad sa publiko, mga delegado, ug uban pang motambong sa mga kalihokan sa ASEAN.

Tumong sa panawagan sa PNP nga masiguro nga ang mga protesta ipahigayon sa malinawon nga paagi ug dili maapektuhan ang kahapsay ug kaluwasan sa publiko atol sa mahinungdanong panagtigom.

By Shaider

Leave a Reply

Your email address will not be published. Required fields are marked *