Nasakmit sa Police Regional Office Bangsamoro Autonomous Region (PRO BAR) ang 195 ka kahon sa gidudahang puslit nga yosi nga nagkantidad og gibanabanang P7.8 milyon atol sa operasyon batok sa smuggling sa Barangay Mapantao, Picong, Lanao del Sur niadtong Nobyembre 13, 2026.

Gipahigayon ang operasyon sa hiniusang pwersa sa Picong Municipal Police Station, Regional Intelligence Division–PRO BAR Regional Intelligence and Assessment Team, Tactical Support Company–Regional Mobile Force Battalion 14-A, ug 2nd Provincial Mobile Force Company sa Lanao del Sur Police Provincial Office.

Sumala sa report, nakadawat ang mga awtoridad og impormasyon mahitungod sa pipila ka wala pa mailhing indibidwal nga giingong nagkarga og gidudahang mga puslit nga yosi sulod sa usa ka bodega. Apan, sa pag-abot sa mga operatiba, dali nga nangikyas ang mga suspek ug gibiyaan ang mga sigarilyo.

Lakip sa mga nakumpiska ang nagkalain-laing brand sa sigarilyo nga mikabat sa 195 ka kahon ug adunay gibanabanang kantidad nga P7.8 milyon.

“I commend our personnel for their vigilance and dedication in carrying out this operation. This accomplishment demonstrates the importance of intelligence-driven policing, timely action, and strong coordination among our operating units. We will continue to intensify our efforts against smuggling and other illegal activities to protect our communities and prevent illicit trade in the Bangsamoro region,” sigun ni PBGen Christopher M Abecia, Regional Director sa PRO BAR.              

Source: PRO BAR

By Shaider

Leave a Reply

Your email address will not be published. Required fields are marked *