Nagpakatap ang National Capital Region Police Office (NCRPO), ubos sa pagpanguna ni PBGen Christopher N. Abrahano, Officer-In-Charge, og kapin sa 20,000 ka mga personahe sa kapulisan aron masiguro ang seguridad ug kahapsay sa pagpahigayon sa serye sa mga tigum nga may kalabotan sa ASEAN Meetings sa nasud.

Lakip sa mga gipahimutang nga mga personahe ang mobantay sa mga importanteng lugar, mga venue diin ipahigayon ang mga kalihokan, ug uban pang mga pasilidad nga may kalabotan sa maong panagtigom.

Tumong sa maong dakong deployment nga masiguro ang kaluwasan sa mga delegado, opisyal, ug uban pang motambong, ingon man ang pagmintinar sa kalinaw ug kahapsay sa tibuok Metro Manila.

Gipasalig usab sa NCRPO ang padayon nga pagkaandam ug koordinasyon sa mga personahe niini aron dali nga makatubag sa bisan unsang posibleng insidente ug masiguro ang hapsay ug luwas nga pagpahigayon sa mga kalihokan sa ASEAN.

By Shaider

Leave a Reply

Your email address will not be published. Required fields are marked *